UMENGAMELI weMK Party, uMnu Jacob Zuma, uthi iGNU (uhulumeni wobumbano lwamaqembu ahlukene, ohlanganiswe yi-African National Congress (ANC) iwukufela ngamathe umzabalazo wenkululeko yabantu abamnyama. Uthi iwukuhlikiza umbono walaba abanikela ngempilo yabo, belwa nengcindezelo.
Ukusho lokhu enkulumweni ayethule emcimbini wokugubha ukuphela konyaka wokuqala kubunjwe iMK Party, obuseMoses Mabhida Stadium, eThekwini, ngeSonto.
Le nkulumo kaZuma ifundwe nguDkt John Hlophe,oyisekela lakhe uMsholozi.
Uthe ububha obudlangile ezweni sebuthunaze, badicilela phansi isithunzi somuntu omnyama. Uthe ukubuyisa isithunzi sabampisholo, kuzokwenzea ngokuphucula isimo sempilo yabo, bakhishwe enhluphekweni, kubuyiswe nomhlaba wabo owantshontshwa ngabamhlophe.
Ngasekupheleni kwenkulumo yakhe uZuma, uthe yinde indlela esazohanjwa yiMK Party ukulwela abantu abamnyamma. Uthe nakuba inzima le ndlela, kodwa ibalulekile ukuze bakhululeke abantu abamnyama – hhayi kuphela baseNingizimu Afrika, kodwa base-Afrika yonkana.
INTATHELI: BHEKI NDLOVANA
