IZINKUMBI zamalungu nabalandeli baNkatha Freedom Party (IFP), bazogcwala izitaladi zeTheku ngoMsombuluko, zimashela udaba oluyinzukayikeyi yebhange ITHALA.
UMkhulumeli kaZwelonke we-IFP, uMnu uMkhuleko Hlwegwa (osesithombeni), ngesikhathi ekhuluma enkonzweni yomgcabo womholi we-IFP, uMnu uSenzo Mfayela, eNdwedwe, unxenxe amalungu nabalandeli baleli qemb,u ukuthi baphume ngothi lwabo, bazokweseka le mashi ayichaze njengezoba yingqophamlando.
Kuhlelwe ukuthi isuke eking Dinuzulu Partk (kuBotha), eMakethe, eThekwini, ize iphelele eCity Hall.
Nabaholi boMdabu KwaZulu-Natal, bathi bayaseseka isinqumo sokumashela ukuqedwa kweThala, yize bengezukuba yingxenye yamashi.
INkosi uNgamizizwe Madlala, yesizwe saseSibhalweni eMzumbe, ithe uma sekukhona abafuna ukuhlakaza iThala, bangadlaleli ezitsheni ezifayob ngoba kwaba yizithuukuthuku zoMntwana waKwaPhindangeneb ukuthi leliya bhange libe khona neNgonyama Trust asebefuna ukukuqeda.
menzi.jele@ilanganews.co.za
