SIKHALELWE ngamasongo kaS’gonyela sibalekela ingalo yomthetho isikhulu somunye weminyango kahulumeni wesiFundazwe iKwaZulu-Natal.
Umsolwa uboshwe ngamaphoyisa asePark Rynie eshayela imoto yomsebenzi ngesivinini esingaphezulu kwalesi esivumelekile. Ubehamba ngo-176km endaweni ka-120.
Kuthiwa ubebalekela amaphoyisa abezama ukummisa. Kutholakale utshwala kuyona imoto yomsebenzi. Kubuye kwatholakala isibhamu nezinhlamvu konke okungavumelekile ukuthi akuphathe uma esebukhile.
Kuthiwa umsolwa ubehamba nomfna oneminyaka ewu-17, naye obedakiwe. Umsolwa uyalelwe ukuba aqhubeke nokuhlala esitikisini.
