ISIGUNGU esiphezulu seNkatha Freedom Party (IFP) sesithathe isinqumo sokuthi kusetshenziswe ubuso boMntwana waKwaPhindangene, iNkosi uMangosuthu Buthelezi noMengameli wayo wamanje, uMnu Velenkosini Hlabisa, emkhankasweni woKhetho loHulumeni baseKhaya.
Kuke kwabanemvunge kwamanye amalungu e-IFP, ethi uShenge nguyena osebenzele iqembu isikhathi eside futhi ungumsunguli walo, angeke ashiywe ngaphandle noma engasekho emhlabeni.
UHlabisa uthi uMntwana wakugunyaza ukusetshenziswa kokuso bakhe (uHlabisa), emikhankasweni yeqembu, engakadluli emhlabeni ngo-2023. Uthi wakhethwa ngo-“elethu” ukuthi ahole iFP, ngo-2019. Ngesikhathi kukhankaselwa ukhetho lukaZwelonke lwango-2024, i-IFP yayikhankasa ngabo bobabili uButhelezi noHlabisa.
menzi.jele@ilanganews.co.za.
