USIHLALO we-IFP KwaZulu-Natal uMnu Thami Ntuli ngokubambisana nobuholi baleli qembu esifundazweni bazobamba isithangami sabezindaba emahhovisi aleli qembu namuhla emini.
Isigaba esikhulu kulesi sithangami kuzokuba ngesokwamukelwa kwamalungu amasha ajoyina iNkatha. ILANGA lithole ukuthi angaphezulu kuka-150 amalungu azobe emukelwa, aphinde agqokiswe izikibha zaleli qembu.
Iningi labazomukelwa liphuma kwamanye amaqembu ezombusazwe. Phakathi kwabanye abahlubuke emaqenjini abo kubalwa nababengabaholi kuwona.
“Ubuholi baleli qembu buzokwamela amalungu amasha okukhona kuwona nowayilungu lesishayamthetho sesifundazwe,” kusho isitatimende esikhishwe yileli qembu.
