SENZO SOKHELA
UMGADLI weRichards Bay uthi bafuna ukwenza iKaizer Chiefs isitebhisi sokusuka kule ndawo embi abahleli kuyona kwi-log yeBetway Premiership.
La makilabhu azotholana koweligi kusasa ngoLwesithathu ngo-19h30 ePeter Mokaba Stadium, ePolokwane.
IBay kayenzi kahle emidlalweni yeligi njengoba kwewu-7 isanqobe owodwa.
Ilele endaweni ka-12 ngamaphuzu amahlanu.
USomila Ntsundwana ongumgadli weBay, uthi bafuna ukwenza iChiefs isitebhisi sokusuka kule ndawo abahleli kuyona abangayithandi.
“Uma uya emdlalweni onjengalona kawudingi ukuba sefomini, konke kuyazenzakalela.
Kodwa-ke thina sifuna ukuhlala endaweni engcono kwiligi okusho ukuthi kufanele siye kulo mdlalo weChiefs sihlomile ukuze siyinqobe ukusuka kule ndawo engeyinhle esihleli kuyona,” esho.
