UNGQONGQOSHE weMfundo eyisiSekelo uNkz Siviwe Gwarube, uqhakambise iKwaZulu-Natal ngokuthi yiyona ekhiqize abafundi abaningi abaphase ngamaBachelor kuzwelonke.
Uveze lokhu ememezela imiphumela kamatikuletsheni namhlanje ngoMsombuluko ePitoli. Uthe angaphezulu kuka-84 000 amaBachelor KwaZulu-Natal kanti nakoDistinction, yisona futhi lesi sifundazwe esiqengqeleza phambili. Ngokwezinga lokuphasa, iKZN ilale isibili ngo-89.5%, ilandela iFreestate eqhwakele ngo-91%.
Isifundazwe esilale isithathu yiGauteng ngo-88.4%, kube yiNorth West (87.5%), yiNorthern Cape (86.6%), yiLimpompo (85.1%), yiMpumalanga (84.9%), bese kub yi-Eastern Cape 84.2%.
Ngokwezifunda, uMkhanyakude wakwaKwaZulu-Natal ulale isibili kuzwelonke ngo-92% ulandela iJohannesburg West eqhwakele, kanti izinga lokuphasa kukamatikuletsheni kuzwelonke, lisuke ku-82.9% wanyakenye, laya ku-87.3% kulo nyaka.
mthobisis@ilanganews.co.za
