INHLANGANO eqhuba umkhankaso wokuxosha abokufika eNingizimu Afrika abangenamaphepha okuba kuleli iMarch and March isichithe owayengumsakazi woKhozi FM, uNgizwe Mchunu ukuthi asebenzisane nayo.
Umholi weMarch and March, uNk Jacinta Ngobese-Zuma ukhiphe isitatimede lapho ememezele khona ukuchitha uNgizwe.
Kusona uthe kunophenyo oluqhubekayo ngabathile abazama ukudayisa ngomzabalazo ngokwemukela intshontsho kubaholi bamaqembu epolitiki nosomabhizinisi abangahwebi ngendlela eqondile.Â
Uthe njengoba kusaqhubeka uphenyo, abazukwazi ukusebenzisana noNgizwe kuze kube kuphothulwa lona.
Ukhipha lezi zindaba nje, uJacinta ubehlanganisa umbiko ngokusebenza kweMarch and March. Umbiko uwususela ezinhlelweni zabo belungiselela ukhukhulela-ngoqo wemashi ebingomhla ka-30 June 2026, kuze kube yimanje.
Kuwona ubebheka izinto ezehlukene okukhona kuzona nokweseka abanye ozakwabo abahlukumezekile ngenxa yemashi, njengoba kukhona necala abebelihambele lowesilisa waseCongo, osolwa ngokuhlasela udadewabo kaPastor Mjosty, wamgwaza amanxeba angu-46.
Uphinde wathinta nokunye okuhlanganisa indaba yemashi okuhlelwa ukuthi ibekhona njalo uma kunguLwesine nathe isaqhubeka kahle.
