IMEYA kaMasipala weTheku uMnu Cyril Xaba unxusa amaphoyisa ukuba asebenze ngokuphindiwe ukuthola abasolwa abadubule balimaza isisebenzi sikamasipala ngesikhathi sisemsebenzini.
UXaba ngoLwesithathu uvakashele uMnu Welcome Memela esibhedlela lapho elulamela khona ngemuva kokuhlaselwa yilaba basolwa ngesikhathi esesigcemeni sakwa-F eMlazi lapho abezolungisa khona isigcinamanzi.
UMemela usebenza njengo-plumber kulo masipala ngaphansi komnyango wezamanzi nokuthuthwa kwendle.
UXaba ufisele uMemela ukululama okusheshayo wabe esenza isiphakamiso sokuthi umphakathi kumele kube yiwona ovikela izisebenzi zikamasipala ukuze zikwazi ukusebenza ngokukhululeka.
Uphinde wanxusa nomphakathi ukuthi uvikele nezinsiza zikamasipala ngoba ukulimala kwazo kuphazamisa impilo yawo.
IMeya ibe isinxusa amaphoyisa ukuthi asebenza ngokuphinde ukuze abasolwa kulesi sigameko babhekane nengalo yomthetho.
