Kuvela ezithi sebevumelene ngokwehlukana umdlali weBafana Bafana uPercy Tau nekilabhu yaseGibhithe i-Al Ahly.
Imibiko ithi le kilabhu ibifuna ukumdayisa lo mdlali, yena wancamela ukuthi kunqanyulwe inkontileka yakhe, akhokhelwe izinyanga ebezisasele kuyona. Kuvela ukuthi kugcine kuvunyelwene ngokuthi uTau ahlomule ngemali elinganiselwa ku-R9.4 million, bese kwehlukwanwa.
UTau ujoyine lezi zingqungqulu zebhola lase-Afrika ngo-2021, elandwa ngumqeqeshi uPitso Mosimane kwiBrighton and Hove Albion yaseNgilandi.
Unqobe izicoco eziwu-11 nale kilabhu okubalwa kuzona nezimbili zeCaf Champions League. Akukacaci ngekusasa lalo mdlali njengoba kuthi kunamakilabhu amgaqele okubalwa kuwona iKaizer Chiefs neZamalek, yakhona eGibhithe.
Kungenzeka futhi alandele uMosimane njengoba esecija i-Esteghlal yase-Iran.
