LUCKY CAIN
KUFUNGISWE nendodakazi kaMnu Jacob Zuma emalungwini amasha eMK Party asePhalamande, izolo ngoLwesithathu.
 UNkz Brumelda Zuma (osesithombeni), ungelinye lamalungu aleli qembu eliholwa nguyise, afungiswe ePhalamende ukuvala izikhala ebezivulekile kulona.
  Ufungiswe nabanye ozakwabo, okukhona kubona uMnu Bongani Mkongi, oke waba yiphini likangqongqoshe wamaphoyisa, nguMnu Phumlani Kubekeli noNkz Makhosazana Radebe.Â
Kuleli qembu kusanda kwesula amalungu alo ePhalamende, okunguNkk Duduzile Zuma-Sambudla – naye oyindodakazi kaMnu Zuma – noMnu Lucky Montana owesule ngeledlule.Â
Bezivele zikhona ezinye izikhala ebezivulekile kulona.
 Â
USotswebhu waleli qembu ePhalamende, uNkz Colleen Makhubele, uncome laba baholi abafungisiwe, wabachaza njengabanamagalelo azokwazi ukusiza leli qembu ePhalamende. Uthe ubukhona babo buzoqinisa imizamo yabo yokusebenzela abantu baseNingizimu Afrika.Â
Ukuqinisekisile ukuthi uNkz Zuma uyindodakazi kaZuma, kodwa wamchaza njengomuntu onesipiliyoni sokusebenzela umphakathi, futhi oneziqu zePublic Service Managament, wathi uzobamba iqhaza elimqoka kulolu hlangothi.
lucky.cain@ilanganews.co.zaÂ
