NGEKE iqale kahle inyanga yothando kubashayeli bezimoto njengoba kulindeleke kunyuke uphethiloli nodizili.
Ngokubika kwe-eNCA imibiko yakamuva yeCentral Energy Fund inani likadizili linganyuka lifinyelele ngaphezulu kweshumi ilitha elilodwa kanti uphethiloli wona kubhekwe ukuthi unyuke ngo-90c ilitha.
Uparaffin wona kubhekwe ukuthi unyuke ngenani elicishe lifinyelele kwishumi nawo.
Kubikwa ukuthi lokhu kunyuka kwala manani kudalwa wukuntengantenga kwe-randi nokwenyuka kwenani likawoyela.
Kulindeleke ukuthi kumenyezelwe maduze ukunyuka kwala manani emphakathini njengoba kubhekwe ukuthi aqale ngomhla ka-5 kuFebruary.
