UNGQONGQOSHE wezeMpilo, eNingizimu Afrika, uDkt Aaron Motsoaledi uthi izwe selimi ngomumo, lihlomele ukubheduka kwesifo se-Ebola.
Kuthiwa lesi sifo, sesibulale abantu abaningi, emazweni ase-Afrika. IDemocratic Republic of Congo (DRC), yiyona efelwe ngabantu abaningi, ngoba sesibulale abangu-4 600, selokhu sibhedukile.
Amazwe ahlaselwe yi-Ebola, yiNigeria, yiKenya, ne-Uganda. UDkt Motsoaledi, uthi yize singabakikwa lapha eNingizimu Afrika, kodwa abasemkhakheni wezempilo, sebeqeqeshiwe ukubhekana naso, uma kwenzeka sibheduka.
“Sihlonze izibhedlela ezingama-24, zikahulumeni, eziyi-12 ezizimele. Izisebenzi zezeMpilo, esiziqeqeshele ukubhekana nalesi sifo, zingu-4 000, ezibhedlela zikahulumeni, kanti zingu-900, ezibhedlela ezizimele.
“Uma kukhona abantu abafikayo kuleli zwe, noma abahaqwa yilesi sifo, bazothola ukwelashwa kuzona lezizibhedlela,’ esho.
IWorld Health Organization (WHO), isithumele abacwaningi, nabelaphi, abaqeqeshelwe ukwelapha lesi sifo se-Ebola, ngoba kuthiwa siyabulala, uma singasukunyelwa.
menzi.jele@ilanganews.co.za.
