SISHAYELWE ihlombe nguNgqongqoshe wezokuBusa ngokuBambisana nezoMdabu KwaZulu-Natal, uMfu Thulasizwe Buthelezi, isinqumo sikaNgqongqoshe walo mnyango kuzwelonke uMnu Velenkosini Hlabisa, sokuhlomulisa ngemali engaphezu kuka-R130 million oMasipala abawu-17 bakulesi sifundazwe.
UHlabisa umemezele ukuthi uzoxhasa labo masipala ngo-R139 million ngemuva kokuba befake izicelo zoxhaso ukulungisa umonakalo edalwe yizikhukhula ezihlasele lesi sifundazwe.
UButhelezi uthe uyazibophezela ekuqinisekiseni ukuthi le mali isebenza ngendlela efanele, ibuyisele isimo kwesijwayelekile emiphakathini. Phakathi koMasipala abazohlomula ngowaseMzumbe, yiBig 5 Hlabisa, ngowaseMsinga, wuMvoti, wuMthonjaneni, wuLundi, yiNquthu, yiDumbe, Abaqulusi, wuThukela District, yiTheku, yiNewcastle, yiZululand District, yiMandeni, yiNdumeni kanye nowaseMfolozi.
