LUYAQHUBEKA uphenyo ngembangela yokufa kwamaphoyisa amathathu asemancane atholwe Emfuleni iHennops eCenturion ngoLwesibili.
Izidumbu zamaphoyisa anguConstable uLinda Cebekhulu (24), uBoipelo Senoge (20) noKeamogetswe Buys (24) zitholwe nezinye ezimbili kulo mfula. Kuthiwa lawa maphoyisa abegcine ukubonakala egalaji lakwa-Engine, eduze naseGrasmere Toll Plaza, emgwaqweni uN1 ngoLwesithathu lomhla ka-23 kuMbasa (April).
Kubikwa ukuthi imoto abebehamba ngayo kayikatholakali kanti amaphoyisa akholwa wukuthi ukutholakala kwayo kuzosiza ophenyweni, ukuthola imbangela yokufa kwabo.
