INKANTOLO ePhakeme yaseWestern Cape isisichithile isimemezelo sikaNgqongqoshe wezeMali uMnu Enoch Godongwana sokwenyusa intela yokuthenga (iVAT) ngo-0.5%.
Ukwenyuswa kweVAT kumiswe kuze kuphasiswe umthetho olawulwa ukwenyuswa kwayo namandla kangqongqoshe ekwenzeni lokhu.
Kwenzeka lokhu nje, uGodongwana ngeledlule umemezele ukuthi usekuhoxisile ukwenyuswa kweVAT nakuba bekusalindwe isinqumo senkantolo lapho iDA ne-EFF bebephonsela inselelo uGodongwana.
Lawa maqembe ebethi ukuphasiswa ePhalamende kwemigomo yokusebenza kwemali yomphakathi (fiscal framework) kwenziwe ngendlela engekho emthethweni.
Inkantolo inqume nokuthi ungqongqoshe, usomlomo wePhalamende nosomlomo woMkhandlu weziFundazwe ePhalamende bakhokhe izindlela zeDA neze-EFF zokulalelwa kwalolu daba eNkantolo.
Ngeledlule iDA yathi isinqumo sikaGodongwana sokuhoxisa iVAT yingenxa yokuthi wayebona ukuthi icala lizomlahla enkantolo.
