INKANTOLO enkulu yaseMalawi isinqume ukuthi babuyiselwe eNingizimu Afrika “umphrofethi” uShepherd Bushiri nenkosikazi yakhe uMarry, ukuzobhekana namacala abo.
Ngo-2020, uBushiri nowakwakhe beqa kuleli ngemuva kokudedelwa ngebheyili ka-R200 000 umuntu emunye. Babhekene noxhaxha lwamacala okubalwa kuwona awokudlwengula, ukwephula imithetho yebheyili, ukwephula imithetho elawula ukungena kwabantu keli, neminye.
Ngemuva kokweqa kwabo, iNingizimu Afrika yathumela isicelo enkantolo yaseMalawi ukuba babuyiselwe kuleli ukuzobhekana namacala abo, ngemuva kokusabalala kwezithombe zabo sebebuyele ezweini labo.
Inkantolo yaseLilongwe, eMalawi, inqume ukuthi ubufakazi obulethwe yiNingizimu Afrika banele ukuba ivume ukuthi laba ababili babuyiselwe kuleli.
UBushiri uzakhele igama kuleli “ngezimangaliso” abezenza egameni lesonto, okumenze waba nenqwaba yabalandeli.
Iningizim Afrika ithi uma uBushiri nowakwakhe befaka isicelo sokuchitha isinqumo senkantolo, nayo izofaka amaphepha okuphikisa lezi zithandani.
