IYAQHUBEKA nokuba indawo yekhethelo iBrown Sugar ezinze enxanxatheleni yezitolo yodumo i-Oceans Mall eMhlanga kulandela ukuqhamuka nemicimbi eyahlukene yokujabulisa abantu abatheleka kuyona.
Le ndawo isizakhele igama ngokuba nemicimbi yekhethelo okuboshelwa kuyo abaculi noDJ abanohlonze.
NgeSonto kuzokwenzeka esifanayo lapho kuzobe kuvalwa impelasonto yePhasika ngomcimbi obizwa ngeJazz Jam.
Lo mcimbi ugabe ngabaculi okubalwa kubo iqembu lodumo eselike labeka iNingizimu Afrika kwibalazwe lomhlaba iFreshly Grounds, uMnqobi Yazo, Njilour noDJ okukhona kubo uDJ Terrence, DJ Dumz, N.A.G, The Don.
Amathikithi okungena ukuzothokoza kulo mcimbi abiza uR250 emnyango njengoba kuzobe kuthengiswa ukudla neziphuzo.
Le ndawo isike yamema osaziwayo abehlukene bakuleli njengoba kuke kwanandisa uMandisi Dyantis, Lamiez Holworthy, Sweet Guluva, Dream Team, Oscar MBO, Sphectacular noNaves, Laconco, Sizwe Mdlalose, Dbn Gogo, PH nabanye abaningi.
