UMNYANGO wezokuHlaliswa kwabantu KwaZulu-Natal, oholwa nguMnu Siboniso Duma, uthi kuzoqalwa uhlelo lokuhlonza umonakalo owenziwe yizimvula nomoya onamandla endaweni yaseManzamnyama, eNkandla, namuhla.
Abesimo sezulu noMnyango wezokuBusa ngokuBambisana nezoMdabu esifundazweni bebeke baxwayisa ngezimvula ezinamandla nesiphepho.
Ngokusho komnyango kaDuma, asekhona amathimba ezimo eziphuthumayo ezindaweni ezikhahlamezekile, ukwelekelela abathintekile. Osukwini lwakusasa uthe kuzobe sekuhlonzwa umonakalo, futhi kubhekwe izinto ezidingeka ngokushesha yilabo abathintekile, ukuze kuqalwe ngazo.
nonhlakaniphos@ilanganews.co.za
