Umsunguli wePlease Call Me (PCM) uMnu Nkosana Makate nenkampani yezokuxhumana iVodacom sebefinyelele esivumelwaneni, sangaphandle kwenkantolo.
Lezi zinhlangothi zombili bekulindeleke ukuba zihlangane eNkantolo eNkulu yokweDluliswa kwamaCala kule nyanga ngemuva kokungavumelani ngemali uMakate abefuna ukunxeshezelwa ngayo njengomsunguli wePCM.
Lo mdonsiswano ukusuqhubeke iminyaka ewu-18.
Ngo-2019 uMakate wenqaba u-R47 million owawubekwe etafuleni yiVodacom, ngoba ethi ukholelwa ekutheni kumele athole okungenani u-R126 billion.
“Izinhlangothi zombili zifinyelele esivumelwaneni sokulugoqa lolu daba. Zombili izinhlangothi ziyajabula ngokuthi selufike esiphethweni,” kusho isitatimende sakwaVodacom.
Le nkampani yaqala ukusebenzisa uPCM ngo-2001.
