ISILILO kudlula emhlabeni intokazi ebeyaziwa ngokuzifela ngezemfundo uNkz Senamile Masango, ongowaKwaNongoma.
Ngokuthola kweLANGA uNkz Masango uhlaselwe ukugula ngomhlaka 14 ku-January esendizeni elibangise emcimbini wokubungaza abafundi bamatikuletsheni abenze kahle eNingizimu Afrika.
Kuvela ukuthi uNkz Masango uquleke khona endizeni, waphuma kuyo waphuthunyiswa esibhedlela njengoba eze wahlaselwa ukufa.
Yize noma kungakatholakali ukuthi ubexinwe yini kodwa kuyavela ukuthi nangonyaka odlule uke waxinwa ukugula kwaze kwangathi nengqondo inokuphambana kancane kodwa wabuye walulama.
UNkz Masango ubekholelwa kakhulu kwezemfundo kanti ube ngowesifazane wokuqala wase-Africa ukuba yingxenye yethimba elayokwenza ucwaningo kwi-CERN, okuyisikhungo okwenziwa kusona ucwaningo olusezingeni eliphezulu kweze-Science.
