SIKHULU isililo endimeni kamaskandi ngokudlula emhlabeni kwesilomo somculi uScebi “Inkosi Yamagcokama” Dlamini waseMachunwini, eMsinga.
Lo mculi ubesengozini yemoto ebusuku phakathi kwamabili Richards Bay eyonandisa kwiBasadi Maskandi Festival, khona eRichards Bay. Ngokuthola kweLANGA, kuthiwa imoto yakhe iphazamisane nenye zashayisana, yaphenduka yabachitha.
Kuvela ukuthi ushonele endaweni yesigameko. Kunemibiko engaqinisekisiwe ethi igidangoma lakhe lishonele esibhedlela. Kunemibiko ethi bebebane emotweni, eyiveni abebehambe ngayo.
Abaculi bakamaskandi uKhuzani Mpungose noNtencane, bavuke ebusuku eThekwini kugamenxe ihora lokuqala bezwa lezi zindaba, bazifikela mathupha endaweni okwenzeke kuyona ingozi.
Mthobisis@ilanganews.co.za
