LISENGCUPHENI ikusasa likahulumeni wenhlanganisela yamaqembu iGNU njengoba iDA ne-ANC bebhekene ngeziqu zamehlo ngodaba oluthinta isabelomali okumele sivotelwe ePhalamende.
Kuvele imibiko ethi iDA izimisele ukuvotela isabelomali sikaNgqongqoshe wezeMali uMnu Enoch Godongwana, esinyusa intela yokuthenga iVAT ngo-0.5%, inqobo nje uma i-ANC ihoxisa umthetho ogunyaza ukudliwa komhlaba ngaphandle kwesinxephezelo.
I-ANC ithi izoqhubeka nokuxoxisana namanye amaqembu anezihlalo ePhalamende, ukuze athole voti lokugunyazai sabelomali. UKhongolose uthi isivumelwano abanaso njengamaqembu ayingxenye yeGNU kasiwuvimbi ukuxoxisana namanye amaqembu, ukuwanxenxa ukuvota nawo ePhalamende.
I-DA ithi uma i-ANC ihlangana namaqembu angaphandle kweGNU ukuphasisa ibhajethi, lokho kuyobe sekusho ukuphela kwalolu mbimbi.
