SEKUBHEKWE ukuba kuqale izingxoxo zomgcagco weSilo uMisuzulu noNdlu- nkulu waso wesine, uSihle, “KaMawewe” Mdhluli.
Ngomgqibelo iSilo sizishaye zaphelela zonke izinkomo eziwu-70, ekhweni laso eNkomazi, eMpumalanga.
Besithume abakhongi baso ababili uMntwana uNathi wase- ndlini yakwaMandlakazi,
noNdunankulu wakwaZulu, iNkosi uPhathisizwe Chiliza.
Umcimbi ubuhanjelwe ngabantwana ne- nqwaba yezicukuthwane.
Okhulumela iSilo uMnu Mpikayise Buthelezi, utshele ILANGA ukuthi bekufinywa nge- ndololwane kulo mcimbi.
“Isilo sizishaye zonke zaphelela, saze sambesa abasekhweni.
Into edale ukuba silobole ngezi- nkomo ezingaka wukuthi uNdlunkulu uMawewe uzalwa ebukhosini. Umcimbi uhambe kahle kakhulu, kwabuswa kwaba njeyaya. Izingxoxo zamalobolo beziphethwe nguNdunakulu kaZulu, iNkosi uPhathisizwe noMntwana uNathi. Njengamanje sesibhe- ke ukuba kuqale izingxoxo zo- mshado,” esho.
Ezinkundleni zokuxhumana iSilo sibonakale sigiya nondlu- nkulu waso, kubonakala ukuthi sijabule.
UKaMawewe uzoba nguNdlu- nkulu wesine weSilo uMisuzulu njengoba ejoyina abanakwabo, okunguNdlunkulu uNtokozo,
uKaMayisela, uNdlunkulu uNozizwe uKaMulela, noNdlunkulu uNomzamo, uMaMyeni.
UKaMawewe wethulwe ngo- nyaka owedlule eNdlunkulu nge- sikhathi iSilo sihambele uMkhosi woMhlanga waseSwazini konina- lume.
Kusukela ethulwa uKaMawewe, useke wabonakala izikhawu eseceleni kwe- Silo emicimbini eyahlukene, okubalwa neyaphesheya kwezi- lwandle.
Emicimbini yakuleli uvamise ukubonala ehleli phansi ecansini eduze kweSilo. Phambilini kuke kwaba nezinkulumo zokuthi uKaMawewe nguyena ozoba ngu- mama wesizwe samaZulu, kwazise uzalwa ebukhosini.
Nokho okhulumela iSilo
uButhelezi, ukuchithile lokho. Utshele ILANGA ukuthi zonke izinkomo eziwu-70, zikhishwe
eNdlunkulu, okucacisa ukuthi akalotsholwanga yisizwe sakwaZulu.
Ngokomlando, umama wesizwe nguyena okuvamise ukuthi ku- bhekwe kuyena ozozala iSilo esi- landelayo sakwaZulu.
Ngokwemibiko, uNdlunkulu uKaMawewe uzozinza esigodlwe- ni esisha, esisanda kwakhiwa eMashobeni, ngasoPhongolo.
Kubikwa ukuthi lesi sigodlo sinomlando onzulu, othinta iSilo uShaka kaSenzangakhona, esiwu- mbumbi wesizwe sakwaZulu.
