UNGQONGQOSHE wezeMpilo kuzwelonke uDkt Aaron Motsoalesi uzokwethula inkulumo eqavile emhlanganweni wezinsuku ezintathu weG20 Health Working Group oqale namuhla eZimbali Coastal Estate, eBallito.
Lo mhlangano uyingxenye yemicimbi eyandulela ingqungquthela yamazwe eG20 ezokuba ngoLwezi (November) kuleli.
EZimbali kulindeleke ukuba izithunywa ezivela kulawa mazwe zibhunge ngezindlela zokuqinisa izinhlelo zokuhlinzeka ngezempilo nokuqinisekisa ukuthi zifinyelela ngendlela elinganayo kuwona wonke umuntu.
Encwadini yokwemukela izithunywa, uMotsoaledi unxuse ukuba kubanjiswane ukuqinisekisa ukulingana nozinzo ezinhlelweni zokuhlinzeka abantu ngosizo lwezempilo.
