INDLUNKULU kaZulu, ngomlomo woMntwana uSimphiwe Zulu, isimeme isizwe ukuba sibe yingxenye yomgcagco weSilo uMisuzulu kaZwelithini.
UMntwana uSimphiwe ukhiphe lesi simemo enkulumweni eyethule kuFacebook, ekhasini layo iNgonyama, lapho ethe uthunywe yiyo ukubika ukuthi umgonqo waso usahamba kahle, kanjalo namalungiselelo oMkhosi woSelwa.
UMkhosi woSelwa uzokuba sesigodlweni saseMashobeni, KwaNongoma. Uthe ibutho labafana kulindelwe ukuthi lifike ngomhla ka-11.
Umeme isizwe namakhosi asendlunkulu emcimbini womkhehlo kaNdlunkulu uNomzamo “Masesi” Myeni ngomhla ka-24 eJozini, kuthi ngomhla ka-26 kube nomgcagco esigodlweni KwaKhangelamankengane.
“Isizwe sonke namakhosi aseNdlunkulu bayanxuswa ukuba baphunelele kule micimbi,” kusho uMntwana uSimphiwe.
Uphinde waveza ukuthi umkhosi wokukhumbula indlu yaseSandlwana uzokuba ngomhla ka-22 kwephezulu.
nonhlakaniphos@ilanganews.co.za
