SIVEZE uhlangothi olungaziwa ngaso iSilo uMisuzulu kaZwelithini, sigiya sibhula isihlangu saso. Izolo ngoMsombuluko iSilo besiyingxenye yezihambeli ezibalulekile emcimbini woMkhosi woMhlanga eLudzidzini kwaLobamba, eSwazini, phakathi kwedolobha iManzini nenhloko-dolobha yakhona iMbabane.
Izwe lakwaNgwane libambe umkhosi womhlanga oqhubekayo, kusukela ngesonto eledlule.
ISilo samaZulu sithembise umshado uNkz Sihle Mdluli onguNdlunkulu waso. Ebukhosini bamaSwazi kukoninalume beSilo uMisuzulu.
UBayede ugaxe undlunkulu wakhe ucu, oluwuphawu lwesethembiso somshado, emuva kwalokho wagiya phambi kwezinkumbi zezethameli zomcimbi.
