UNGQONGQOSHE wezemiDlalo uGayton McKenzie useveze okusha ngeVideo Assistant Referee (VAR) njengoba enze sethembisosokuthi seyizosebenza emidlalweniyePremier Soccer League (PSL).
Wenza lesi sethembiso nje, sikhulu isililo gamaphutha enziwa ngonondweba emidlalweni yePSL.
Kuzokhumbuleka ukuthi uMcKenzie wathi noma kanjani iVAR izokuba khona ngale sizini ezoqala. Wathi iVAR uzoyixhasa ngesamba esiwu-R90 million.
Kubikwa ukuthi njengoba isizini izoqala maduze nje, onondweba sebeqalile ukuzilolonga, kodwa dololo ukufundiswa ngeVAR.
UMcKenzie uthi usewenzile owakhe umsebenzi, konke sekulele kwiSouth African Football Association (Safa), okuyiyona ephethe onondweba.
“I-VAR inokwayo okwehlukile, kanjalo nezayo izingqinamba. Owami umsebenzi bekuwukwenza isiqiniseko sokuthi imali ikhona. IFifa ifuna iVAR yenganyelwe yiSafa. Sizohlala phansi neSafa kuleli sonto siqedele ukuqokwa kwenkampani ezokwengamela iVAR. “Sengiwenzile umsebenzi wami, iSafa nayo seyenza owayo. Kodwake kangingabazi ukuthi iVAR sizoba nayo,” esho.
