ITHEMBA lokubona ikilabhu yaKwaZulu-Natal igijima kwiDivision 1 ngonyaka ozayo kwiTelkom Netball League (TNL) njengoba iKingdom Stars idlulele kowandulela amanqamu.
IStars besidlala kuDivision 2 njengoba iqede namaembu amane aphezulu kwiDivision 2. Amaqembu amane aqede ephezulu yiwona adlulele kowandulela amanqamu.
Le midlalo idlalwa i-ICC eThekwini iqale ngoMsombuluko, izophela ngeSonto lapho kuzokhishwa khona izingqwele. Amaqembu amabili asemsileni kwi-Division 1 azokwehliselwa kwiDivision 2 kuthi amabili azokweza kahle kwiDivision 2 azonyukela kuDivision 1.
IStars sizodlala kowandulela amanqamu neTshukudu eqede ilele isibili kuDivision 2 ilandela iStars esiqede endaweni yesibili. Umdlalo weStars neTshukudu uzokuba ngo-14h00 kanti uzokube usakazwa kwiSuperSport 4.
IKwaZulu-Natal ibimelwe ngamakilabhu amabili kulo mqhudelwano enye yawo yiKingdom Queens nayo ebikuDivision 2 eqede ilele unombolo 5.
KuDivision 1 kubhekwe ukuba umbango ube phakathi kwiFiraballs eyinqobe yonke imidlalo yawo ewu-12 kanti nezingqwele zanyakenye iFree Stars Crinums eqede ilele indawo yesibili kuDivision 1.
Imidlalo eyandulela amanqamu ami kanje: Diamonds vs Lillies 10h00; Tornado vs Sunbirds 12h00; King Stars vs Tshukudu 14h00; Fireballs vs Stings 16h00; Crinums vs Jaguars 18h00.
