Ubuyela KwaNongoma ukuyolalela olunye uhlangothi uNgqongqoshe wamaPhoyisa uMnu Senzo Mchunu osemizamweni yokuxazulula impi yezigodi esakwaMusi nakwaNyango.
Ngeledlule ungqongqoshe uhlangane nesigodi sakwaMusi njengoba esakwaNyango sagcina singalubhanga kulo mhlangano. NgoMsombuluko kulindeleke ukuthi ahlangane nesakwaNyango.
Okhulumela isigodi sakwaNyango uNorma Mbatha osephenduke iqhawe ngokulwela abesilisa bangakubo osekunzima ngisho nokukhuluma emhlanganweni ngenxa yokwesabela impilo zabo empini ephakathi kwesigodi sakwaMusi nesasoNyango esidlule nemiphefumulo selokhu kwasuka inxabano yabafundi eyagcina ikapakela emphakathini.
Ekhuluma neLANGA ngabakulindele emhlanganweni wakusasa ozokuba eSihlahla seNkosi High school uthe “Siyajabula ukuthi uNgqongqoshe uzofika ezolalela izikhalo zethu nokuyinto ekade siyilelwa siwumphakathi.
Esikufusayo ukuba kwenziwe ubulungiswa kuboshwe abaphambana nomthetho.
Kuyiphutha elikhulu ukuthi kungafa abantu kodwa kuthuleke kanjalo.
Siyajabula nokuthi uxolisile ngokwamukela isipho ezitheni .
Akukuningi esikudingayo ngaphandle nje kobulingiswa , ngikhuluma nje kunabantu abasagula ngenxa yakho ukudutshulwa kodwa kuphele kanjalo.
Sinethemba lokuthi konke kuzoxazululeka ngendlela ” kusho lenkosazana esiphenduke iqhawe ezinsizweni zangakubo njengoba amathemba azo elele kuyona ,kwazise zithi kunzima ukukhuluma emhlanganweni ngoba zesabela izimpilo zazo okwenza zithembele kumuntu wesifazane ukuba abe yiso lazo..
