KULINDELEKE ukuthi liqhubeka nokuveza izigameko ezishaqisayo abantu abadlule kuzona uhlelo lukamabonakude okubhekwe ukuthi luqale isizini yesithathu lukhonjiswa esiteshini esingaphansi kwenhlangano yezokusakaza kuleli i-SABC 1.
Lolu hlelo olubizwa ngokuthi Ngomusa kulindeleke ukuthi luqale ukukhonjiswa ngoMsombuluko mhla ka-3 kuFebruary ngehora lesithupha kusihlwa.
Lumayelana nezigameko ezishaqisayo abantu abadlule kuzona nabo abangazi nokuthi baphunyuke kanjani kuzona.
Phakathi kweziqephu abantu abazozibona kubalwa esika-Inga owasinda edutshulwa ngezinhlamvu eziwu-27 esigamekweni sokubulawa kwabantu endaweni yokucima ukoma.
Esinye okulindeleke ukuthi sishiye abantu bekhexile kulabe esikaSlindile owalunywa yizinja eziwu-9 waze walahlekelwa yilunga lomzimba wakhe.
Isiqephu sikaSenzo sizochaza kabanzi ngokusinda kwakhe ngendlela naye angazi ngayo engozini yemoto eyadlula nemiphefumulo wawowonke umuntu ayehamba naye.
Uthi ngesikhathi befika abezimo eziphuthumayo naye bamchaza njengomuntu ongasekho emhlabeni ngenxa yokunyantisa kwengozi nokulimala kwakhe.
Ziningi nezinye iziqephu ezizokhonjiswa kulolu hlelo ezizomangaza ababukeli.
Abantu abazovela kulolu hlelo bazobe beqhakambisa umusa wabo wabo ngokudlula kulezi zigameko ezishaqisayo. Â
