IBAFANA Bafana ihlulwe yi-Egypt ngo-1-0 wephenathi kaMohamed Salah engene ngomzuzu ka-45 kokaGroup B namuhla eMorocco.
I-Egypt iqede lo mdlalo ingasaphelele. Elakuleli lincishwe iphenathi kulo mdlalo ibhola lishaya isandla sesitobha se-Egypt ebhokisini. IBafana Izosonga isigaba samaqoqo ngokudlala neZimbabwe ngoLwesibili.
Kuphele lo mdlalo iBafana iphungwa ngezithebe. I-Egypt iqhwakele ngamaphuzu awu-6, iBafana iyisibili ngawu-3, iZimbabwe ne-Angola bayisithathu nesine ngokwahlukana njengoba benephuzu iqembu ngalinye.
La mazwe asegijime imidlalo emibili, asalelwe ngowodwa wonke.
