SELUMISIWE usuku okuzogijinywa ngalo imidlalo yamaSemi-final eNedbank Cup.
Kube yizindaba eziwuju lwezinyosi kubaxhasi balo mqhudelwano ngesikhathi amakilabhu amathathu athathwa njengamakhulu kuleli ezibekisela indawo kulesi sigaba.
I-PSL iqoke iSonto lomhla ka-13 ku-April ukuba kugijinywe le midlalo. Kuzoqale kududulane i-Orlando Pirates neMarumo Gallants e-Orlando Stadium, ngo-15h00, kulandele iMamelodi Sundowns neKaizer Chiefs ngo-18h00 eLoftus Versfeld, ePitoli.
Amathikithi azodayiswa ngo-R80 eTicketPro kanti kubhekwe ukuba iPSL imemezele maduze ukuthi azodayiswa nini.
