UKHOMISHANA wamaPhoyisa KwaZulu-Natal, uLt. General Nhlanhla Mkhwanazi uthi akwakhiwe izindawo zokungcebeleka ezihlelekile ezindaweni zasemakhaya, ukuze abantu abasha basuke otshwaleni, ezidakamizweni, nasebugebengwini.
UNdonga, ubekhuluma emcimbini weSports Against Crime Easter Tournament, eMgungundlovu. Wethule inkulumo kubantu abasha ababalelwa ku- 2 500 abebethamele lo mcimbi.
“Kuyadabukisa ukubona abantu abasha nabancane becwile etshwaleni, nasezidakamizweni ngenxa yokuthi bathi banesizungu. Uma kwakhiwa izindawo zokungcebeleka, ezihlelekile kuzothi uma kuvalwe izikole, babe lapha bazivocavoce, badlale, bajabule. Ukwanda kwabantu abancane, abagcwala emajele kungumphumela wokuthi bawuvanzi, abenzi izinto ezizobenza bahlale bematasa,’ esho.
Umcimbi ukhuthaza intsha ukuthi igxile kwezemidlalo ngoba uthi siyakhula isibalo sabahlala emgwaqweni, bagcine sebengama”phara”.
menzi.jele@ilananews.co.za
