KAWUSEKHO umshado obewuhleliwe phakathi kweSilo samaZulu noNdlunkulu uNomzamo “Masesi” Myeni, waseMakhonyeni, eJozini.
ILANGA liyibonile incwadi ebhalwe yiSilo uMisuzulu kaZwelithini, izolo ngoMgqibelo.
Kule ncwadi iSilo sitshela iNhloko yoMnyango wezokuBusa ngokuBambisana nezoNdabu KwaZulu-Natal, uNkk Nonhlanhla Mkhize, ukuthi namhlanje ngo-11:00 kumele uMaMyeni abe engasenabo abaqaphi, kanjalo nezinhlelo ezihambisana nomshado obekumele zibe khona nazo zimiswe.
Isizathu iSilo sithi yingoba umshado wabo ngeke usaba khona. Kuzokhumbuleka ukuthi ngoLwesihlanu bekumele kube nomkhehlo kaMaMyeni, ekhehlwa yisona iSilo, kuthi ngeSonto langomhla ka-26 kube nongcagco.
nonhlakaniphos@ilanganews.co.za
