Sesifinyelele ku-16 isibalo sabantu okuqinisekiswe ukuthi bashonile ngenxa yomlilo osha ubuhanguhangu eLos Angeles, e-United States of America, oqale ngoLwesibili.
Lo mlilo osushise imizi engaphezulu kuka-12000 ushiye inqwaba yabantu dengwane, kanti abantu abawu-13 bebengakatholakali.
Izicishamlilo bezisaqhubeka nokusebenzisa amabhanoyi ukuthela amanzi kulo mlilo. INational Weather Service yakhona eMelika ikhiphe isexwayiso ngomoya okulindeleke ukuba uqinise kusukela namuhla ngesonto, ongenza ukuthi umlilo ubhebhetheke kakhulu.
Izakhamizi ezingaphezulu kuka-153 000 seziyalelwe ukuba zisuke emizini yazo, ziye/ziyiswe endaweni ephephile kanti kulindelwe ukuba senyuke isibalo sabashonile.
