BABALELWA ku-60 abasiki bengqephu abasafufusa abazobe betshengisa ngemisiko yabo kwi-14th Durban Fashion Fair yakulo nyaka, ngaphansi kwe-theme ethi, The Awakening.
Lo mbukiso osuke ubhekwe ngabomvu ngabasiki bengqephu baseNingizimu Afrika, ugabe ngabasiki asebezakhele igama kulo mkhakha, okubalwa kubona uDuke Clothe Your Soul, uMita-N Dzyns, uPinky Dlamini/Modesta, uCarita Adams oKaren Monk Klinstra nabaseNamibia.
UMnu Thembo Mdluli ongusihlalo ekomidini lokuThuthukiswa koMnotho nokuhlelwa kumasipala weTheku, uthi inhloso enkulu ngalo mbukiso wukuthuthukisa umnotho, kwesekwe osomabhi-zinisi, ukuziqasha nokwakha amathuba omsebenzi.
“Eminyakeni ewu-13 eyedlule, iDFF isikhule yaba yinkundla ebalulekile yokusiza abasuke beyingxenye yayo, ngokuthola abathengi namathuba asemazweni angaphandle kwaleli, futhi isiza nasekwesekeni imikhiqizo yase-khaya,” esho.
Uthi lo mbukiso uhlose ukudo-nsa amehlo abathengi nabezindaba nomphakathi imbala.
“Igxile ekuthuthukiseni izimpa-hla zokugqoka ezithungwe kuleli kunalezi zasemazweni angapha-ndle. iDFF ihlose ukufundisa, futhi igqugquzele abathengi base-Ningizimu Afrika ukuba bathande amalebuli ezwe labo.
“Le nkundla itshengisa ithale-nte, iveze ubuciko, izinga eliphezulu nokuthengeka kwezimpahla zethu. Siyakholelwa kwimfashini yase-Afrika nomdlandla wama-bhizinisi okhulayo eThekwini,” esho.
Lo mbukiso uzoqala mhla ka-17 kuya kumhla ka-19 kuMandlulo (September) eDurban Exhibition Centre, eThekwini.
