UKUTSHALWA kwamaphoyisa eManguzi ngenhloso yokulwa nobugebengu, ikakhulu bokuweliswa kwezimoto ezebiwe, kuvuna izithelo ezinhle njengoba esekwaze ukubamba izimoto ezingaphezu kuka-20.
Amaphoyisa aseveze ukuthi esikhathini esingamasonto ambalwa asebophe abasolwa abahlanu abathinteka ekushushumbiseni izimoto ezebiwe ziweliswa umncele, Â aphinde athola nezimoto eziwu-20.
Phakathi kwezimoto ezibanjiwe kubalwa amaveni abalelwa kwawu-11, ama-SUV awu-7, itekisi nezinye ukukha phezulu. Ngokophenyo lwamaphoyisa, kuvela ukuthi lezi zimoto zebiwe ezindaweni ezahlukene eThekwini okubalwa eDurban Central, Durban North, Westville, Chatsworth, Pinetown kanye naseMhlali. esigamekweni sakamuva, ithimba lamaphoyisa lincinzwe indlebe ngemoto okuthiwa ibiyoweliswa umncele e-Kosi Bay.
Likwazile ukuyithola kwaboshwa nomsolwa oyedwa okubikwa ukithi utholakale nenqwaba yamaphepha omgunyathi. Ngokophenyo lwamaphoyisa, kuvele ukuthi umsolwa oboshiwe uyathinteka ekukhwabaniseni imishwalense, uLt Col Amanda van Wyk esitatimendeni uveze ukuthi uphenyo lwamaphoyisa lusaqhubeka
