SENZO SOKHELA
SIBHEKWE ngabomvu isinqumo sikaHugo Broos ongumqeqeshi weBafana Bafana ngonozinti oyedwa ozoshiywa ngaphandle njengoba leli qembu lizokuba nemidlalo emibili emqoka yokuhlungela i-Africa Cup of Nations (Afcon), ezokuba ngasekupheleni konyaka ozayo eMorocco.
Emdlalweni wokuqala iBafana izobhekana ne-Uganda ekuhambeni mhla ka-15 kuLwezi (Nove-mber). Izobe isilandela ngoweSouth Sudan ozokuba mhla ka-19 kuLwezi eKapa. NgoMsombuluko uBroos umemezele abadlali aba-wu-38 azokhetha kubona abawu- 23 azogijima ngabo le midlalo.
Ubize okokuqala ngqa uSage Stephens ovimbela iStellenbosch FC, osekunesikhathi eside elindile njengoba ubelokhu ezitshwa. Okubhekiwe wukuthi uBroos uzoshiya bani phakathi kukaStephens, uRicardo Goss noSipho Chaine. Indaba kaRonwen Williams icacile vele kwazise nguyena ongunombolo 1 futhi ungukaputeni weBafana.
Abathandi bebhola ezinkundleni zokuxhumana balibeka ngesihloko elokuthi uGoss nguyena okufanele ashiywe ngaphandle ngoba akekho efomini. Ngaphandle kwalokho, kakukacaci ngesimo sakhe njengoba ubenokuthinteka njengoba engawudlalanga umdlalo wezakhe, iSuperSport United, zibhekene neKaizer Chiefs koweBetway Pre-miership ngeledlule ePeter Mokaba Stadium, ePolokwane.
Iqembu leBafana labadlali abawu-38 selilonke limi kanje; onozinti: NguRonwen Williams, nguRicardo Goss, nguSage Stephens noSipho Chaine.
Izitobha: NguNyiko Mobbie, nguBradley Cross, nguThabang Matuludi, nguRushwin Dortley, nguNkosinathi Sibisi, ngu-Aubrey Modiba, nguMothobi Mvala, nguKhuliso Mudau, nguThabiso Sesane, nguFawaaz Basadien, nguSiyabonga Ngezana noGrant Kekana.
Abasesiswini: NguTeboho Mokoena, nguJayden Adams, nguBathusi Aubaas, nguSinoxolo Kwayiba, nguThalente Mbatha, nguLuke Le Roux noNdamulelo Maphangule.
Abaphambili: Ngu-Evidence Makgopa, nguDevin Titus, ngu-Oswin Appollis, nguPatrick Maswanganyi, nguTshegofatso Mabasa, ngu-Iqraam Rayners, nguMihlali Mayambela, nguPercy Tau, ngu-Elias Mokwana, nguRelebohile Mofokeng, nguSipho Mbule, ngu-Ashley Cupido, nguYanela Mbuthuma, nguThapelo Morena noBongokuhle Hlongwane.
senzos@ilanganews.co.za
