KUBHEKWE ukuba uNgqongqoshe wezeMali uMnu Enoch Godongwana ayethulwe ngoLwesithathu inkulumo yesabelo-mali salo nyaka.
Lokhu kuza ngemuva kokuba ukwethulwa kwesabelo-mali kuhlehlisiwe ngenxa yokungavumelani kwamaqembu ngezinto ezithile, emasontweni amabili edlule. Kuthiwa uGodongwana wayezomemezela ukwenyuswa kwentela ekhokhwa uma uthenga (iVAT) ngo-2%.
Kuleli sonto iPhalamende libike ukuthi sekuvunyelwene ngebhajethi. Njengoba izwe libhekene nesimo esibi kwezomnotho, ubhekwe ngabomvu uGodongwana ukuthi yiziphi izinto azogxila kuzona, kanjalo nokuthi uhulumeni uzoyenyusa yini imali yezibonelelo.
