SEKUPHIDE kwenzeka esinye isibhocongo sengozi emgwaqeni ophakathi kwaKwaMbomambi naseMtubatuba. Le ngozi embandakanya izimoto ezintathu, yenzeke namuhla ngoLwesine ekuseni. Kubhubhe abantu abathathu, kwalimala kanzima ababili.
Okhulumela iRoad Traffic Ispectorate uNks Sindi Msimang uthi imoto encane ibizama ukwedlula enye ngesikhathi ishayisana neloli ebeliphuma ngaseMtubatuba, libheke ngaKwaMbonambi.
“Kuze kwaphoqeleka ukuthi kusetshenziswe izindlawu, ukukhipha omunye wabantu obebhajwe phakathi emotweni encane. Abashonile bathathu, kanti ababili, baphuthunyiswe esibhedlela belimele kanzima.
“Umqwaqo kuphoqeleke ukuthi uvalwe amahora ambalwa, njengoba abatakuli nabezimo eziphuthumayo, bebesawukhuculula,” esho.
Kuwona lo mgwaqo, ekuqaleni kwalo nyaka, kubhubhe amalungu ayisithupha omndeni owodwa ayesuka eMandeni, ebheke ngaseMtubatuba.BONAMBI.
