KUBHUNTSHE umcimbi waminyaka yonke, iDurban Jazz Festival. Lo mcimbi bekumele ubanjelwe eNkosi Albert Luthuli International Convention Centre eThekwini kusasa ngomhla ka-26 kwephezulu.
Abahleli balo mcimbi bamemezele ukuthi lo mcimbi ngeke usaqhubeka njengoba uhlehlisiwe. Kuthiwa labo abese bewathengile amathikithi mabawagcine njengoba esazosebenza ngosuku lo mcimbi olusazomenyezelwa.
Kuthiwa abangasazimisele ngokuhambela lo mcimbi bangawabuyisela, babuyiselwe imali yabo abawathenge ngayo.
Ngokwesitatimende esikhishwe ngabahleli balo mcimbi, bayaxolisa ngalokhu njengoba kuyinto eqalayo ukwenzeka selokhu waqala ukwenziwa.
