SIZOSHESHE sitheleke eThekwini isihlabani saphesheya kwezilwandle, u-Anthony Hamilton, esilindeleke ukuba sinandise emcimbini oyingqayizivele wokubungaza uthando, ozoba seNkosi Albert Luthuli Interna-tional Convention Centre (ICC) ngomhla ka-28 kwephezulu.
U-Anthony oseteketiswa ngelikaMzwandi-le kuleli, kulindeleke ukuba anandise kulo mcimbi obizwa nge-Anthony Hamilton Live in Durban.
Selokhu agcina ukunandisa kuleli dolobha eminyakeni ewu-12 eyedlule. Ngokusho kukaMa-ndisa Makalima ongumhleli walo mcimbi, u-Anthony uzosheshe afike ukuze akwazi ukwenza imisebenzi yakhe yokusiza abantulayo, ngaphambi kokuba alungi-selele usuku olukhulu.
“Silindele ukuthi atheleke eThekwini ngasekuqaleni kweso-nto eli-zayo, akwazi ukusheshe azijwayeze nabantu base-The-kwini, ukuze abani-keze umsoco wodwa uma esebajabulisa ngomhla ka-28,” kusho uMandisa.
Lesi sihlabani sizobe sishiyelana inku-ndla nentandokazi yakuleli uSjava, noDJ asebemnka-ntshubomvu futhi asebeza-khele udumo ngokudlala umculo opholile nowamzu-kwana ezinda-weni zenjabu-lo, okunguDJ Muntu, uCollen Zondo, uDJ Young, uSentle Lehoko, uMsizi Shembe, uTbo-se Mokwele nabanye.
Amathikithi aseyatholakala eComputicket ngamanani ahlukene, aha-mbisana nezi-nga abantu abafisa ukuba kulona kulo mcimbi.
