LUCKY CAIN
AMAPHOYISA aKwaZulu Natal asebophe abasolwa ababili ngamacala okuzama ukubalala kuka-Adv Coreth Naude.
U-Adv Naude wadutshulwa ngomhla ka-18 kuJuly 2024 ngesikhathi engena kwelinye lamahotela eMhlanga.
Wakwazi ukuqhubeka angene ngaphakathi ehhotela ngaphambi kokuthi athole usizo waphuthunyiswa esibhedlela.
Abasolwa babaleka ngemoto yohlobo lweToyota Corolla e-silver.
Amaphoyisa ophiko lweProvincial Serious and Violent Crime ngaphansi kweMurder and Robbery ajutshwa ukuphenya lesi sigameko.
NgoLwesibili amaphoyisa abophe laba basolwa ababili abaneminyaka 28 no-29 .
Baboshelwe eMitchells Plain naseMilnerton eCape Town.
Kulindeleke ukuba bavele enkantolo ngoMsombuluko.
U-Adv Naude ungomunye wabaphenyi bakwaSars odabeni oluthinta ukukhokhwa kwentela kukasomabhizinisi wodumo uShawn Mkhize.
