AMAPHOYISA aKwaZulu-Natal asebophe abasolwa ababili ngecala lokuzama ukubalala kuka-Adv Coreth Naude. UNaude wadutshulwa ngomhla ka-18 kuNtulikazi (July) kulo nyaka ngesikhathi engena kwelinye lamahotela aseMhlanga.
Wakwazi ukuqhubeka angene ngaphakathi ehhotela, wathola usizo nngaphambi kokuphuthunyiswa esibhedlela, abasolwa babaleka ngemoto yohlobo lweToyota Corolla.
Amaphoyisa ophiko lweProvincial Serious and Violent Crime, ngaphansi kweMurder and Robbery, ajutshwa ukuphenya ngalesi sigameko. NgoLwesibili amaphoyisa abophe laba basolwa ababili abaneminyaka ewu-28 no-29, eMitchells Plain naseMilnerton eCape Town.
Kulindeleke ukuba bavele enkantolo ngoMsombuluko.
U-Adv Naude ungomunye wabaphenyi bakwaSars odabeni oluthinta ukungakhokhwa kwentela kukasomabhizinisi wodumo, uShawn Mkhize.
