AMAPHOYISA aKwaZulu Natal ngaphansi kophiko lwe-Operation Vala Umgodi abophe abashayeli bamaloli awu-6 kulandela ukutholakala bethutha amalahle antshontshiwe.
Ngokusho kwamaphoyisa akulesi sifundazwe laba bashayeli babanjwe emgwaqweni onguthelawayeka uN2 oPhongola ngoMgqibelo mhla ka-11 kuJanuary 2025.
Okhulumela amaphoyisa akulesi sifundazwe uColonel Robert Netshiunda uthi uphiko lwezinhloli zamaphoyisa zithole umkhondo ngamaloli abesuka eWitbank elibangise endaweni engadalulwanga eRichards Bay.
Uthe la maloli abesolwa ngokuthwala la malahle antshontshwe eWitbank.
UColonele Netshiunda uthe la maloli awu-6 avinjwe ngamaphoyisa kwatholakala ukuthi wonke alayishe amalahle asolwa ngokuthi antshintshiwe.
Lokhu kuholele ekutheni abashayeli bala maloli awu-6 bakhalelwe ngamasongo Sgonyela. Baneminyaka ephakathi kuka-38 no-50 ubudala njengoba kulindeleke ukuthi bavele enkantolo ngoMsombuluko mhla ka-13 January 2025.
