LUCKY CAIN
AMAPHOYISA aKwaZulu Natal abophe abasolwa abahlanu ngamacala ahlukene okubalwa awokusabisa nokuvimbezela ukusebenza kwenkontileka eMzinto ngoLwesithathu.
Ngokusho kwesitatimende ngesikhathi amaphoyisa ezungeza endaweni athole umbiko ngalesi sigameko abe esenikela khona.
Kubikwa ukuthi ngesikhathi amaphoyisa efika endaweni yesigameko afice abalisa abahlanu bevimbezele izisebenzi bezisabisa eziphoqa ukuthi zimise ukusebenza.
Amaphoyisa abe esebabopha laba basolwa athweswa amacala okusabisa nokuvimba ukusebenza kwenkontileka.
Kubikwa ukuthi laba basolwa bebengaqali ukugasela kule ndawo yokusebenza njengoba nangaphambilini bafika basabisa izisebenzi bazitshela ukuthi akumele umsebenzi uqhubeke kuze kube kubanjwa umhlangano.
Lapha osonkontileka basebenza ukulungisa ibhilidi lokuthuthukisa umphakathi.
Abasolwa abaneminyaka ephakathi kuka30 no-52 kulindeleke ukuba bavele eNkantolo yeMantshi yaseVulamehlo eDududu ngoLwesihlanu mhla ka-6 kwephezulu.
