AMAPHOYISA aKwaZulu Natal abophe abasolwa ababili abasolwa ngokweba imfuyo eBulwer ngesikhathi eqhuba uhlelo lokuphenya olujwayelekile endaweni yasoHlabeni naseSdangeni.
Ngokusho kwamaphoyisa laba basolwa oneminyaka ewu-23 no-31 babanjwe nemfuyo ewu-21 ngokwehlukana.
Athe umsolwa oneminyaka ewu-23 ubanjwe neziklabhu eziwu-9.
Kwesinye isigameko umsolwa oneminyaka ewu-31 ubudala ubanjwe ehambisa iziklabhu eziyishumi kwathi uma amaphoyisa embuza emfuna imininingwane ngazo wahluleka wukuveza amaphepha aqondile ahambisana nokuthutha imfuyo wabe esekhalelwa ngamasongo kaSgonyela.
Kuthe uma amaphoyisa eqhubeka nokumphenya ngemibuzo lo msolwa aphinde athola ukuthi kunezinkomo ezintathu anazo kodwa angenawo amaphepha aqinisekisa ukuthi ngezakhe.
Kulindeleke ukuthi laba basolwa bavele enkantolo maduze.
