AMAPHOYISA aKwaZulu-Natal abophe abalisa abathathu abasolwa ngokuba yingxenye yeqembu lemigulukudu (gang) abatholwe nezibhamu nezinhlambu okungekho emthethweni kwaBester eNanda.
Kuthiwa amaphoyisa aseNtuzuma esebenzisana nawaseNewlands East athole umkhondo ngabasolwa abebebhace emzini osendaweni okuthiwa yiseMzomusha, kwaBester.
Kuthiwa laba balisa abaneminyaka ephakathi kuka-18 no-22 baboshelwe amacala okutholakala nezibhambu nezinhlambu okungekho emthethweni. Bayanyaniswa namacala amaningi okubulala enzeka kwaBester naseNanda.
Kulindeleke ukuba bavele eNkantolo yeMantshi yaseNtuzula ngoLwesibili lomhla ka-29 kuMbasa (April).
