KUZOCACISA iJuducial Service Commission (JSC) ngaphambi kokushona kwela namuhla ngesiphakamiso senhloko yamajaji akuleli, iJaji uMandisa Maya, sokuba kwenziwe isigcawu sokuphenya ngezinsolo zokungaziphathi kahle kwalowo owayeyinhloko yamajaji, eseyathatha umhlalaphansi, uMnu Mogoeng Mogoeng.
Lesi siphakamiso sikaNkk Maya silandela isikhalo esafakwa kwiJSC yilowo owayeyinhloko yamajaji eWestern Cape, owaxoshwa kwesobujaji, oseyiSekelamengameli weqembu uMkhonto Wesizwe Party, uDkt John Hlophe.
UHlophe usola uMogoeng ngokubamba umhlangalo oyifihlo naloyo wayeyisekela lakhe (uHlophe) iJaji uPatricia Goliath, emncenga ukuba ukuba avulele uHlophe icala kwiJSC, amsole ngokumhlukumeza nokumethuka.
Ngesikhathi iJaji uMaya lenza lesi siphakamiso, uMogoeng waveza ukuthi umhlangano wakhe noGoliath wawungeyona imfihlo futhi wayilandela yonke imigomo okwakumele ayilandele njengenhloko yamajaji ngaleso sikhathi.
